Sagður borga henni háar fjárhæðir
Setja bókamerki
Albert Mónakóprins er sagður borga eiginkonu sinni Charlene prinsessu háar fjárhæðir ár hvert til þess að sinna sínum konunglegum skyldum.
Evrópskir miðlar halda því fram að Albert hafi skrifað undir leynilegan samning þess efnis að Charlene fái greiddar um 12 milljónir evra ár hvert fyrir að uppfylla þær konunglegu skyldur sem henni ber. Albert sé mjög annt um að hún sjáist reglulega við hlið hans en þrálátar sögusagnir hafa verið uppi um misheppnað hjónaband þeirra.
Konunglegir meðlimir Mónakó ríkis eru ekki á launum þannig að Charlene er upp á Albert komin hvað varðar eigin fjárútlát. Albert sjálfur er þó mjög ríkur.
Heimildarmaður í Monte Carlo segir að þó að prinsessan njóti mikilla fríðinda þá liggur hún ekki endilega á reiðuféi til þess að ráðstafa sjálf.
„Hún hefur gengið í gegnum mjög erfiða tíma þannig að það væri skynsamlegt af henni að reyna að tryggja eigin afkomu.“
Heimildamenn nærri konungsfjölskyldunni hafa hins vegar hafnað þessum fréttum. Þau segja að Albert prins þurfi ekki að borga fyrir að sjást með konunni sinni. „Charlene er ánægð að vera komin aftur í faðm fjölskyldunnar og þau verja öllum helgum saman á sveitasetri sínu. Þá er Albert mjög stuðningsríkur gagnvart henni og er að aðstoða hana við góðgerðarstörf.“
Íslendingar ein mest einmana þjóð heims
Fara ekki lengur fram á einangrun yfir Davíð
Segir nýtt frumvarp gefa eldisfyrirtækjum auðlindir
Fiskikóngurinn: „Mér fannst sárt að heyra það“
Áköf mótmæli í bandarískum háskólum
Búið að bólusetja börn alla helgina
„Þetta náttúrulega endar með ósköpum“
Baldur: „Ég ætla að svara þessu kalli“