Raunveruleikastjarnan Kourtney Kardashian og trommuleikarinn Travis Barker gengu í það heilaga um liðna helgi. Athöfnin er sögð hafa farið fram í eins konar kyrrþey því hvergi voru börn parsins sjáanleg né fjölskyldumeðlimir Kardashians-fjölskyldunnar.

Kardashian og Barker létu pússa sig löglega saman í dómshúsinu í miðbæ Santa Barbara-svæðisins í Kaliforníu á sunnudag, akkúrat mánuði eftir að þau giftu sig óformlega í Elvis-kapellunni í Las Vegas. Viðstaddir athöfnina í dómshúsinu voru móðuramma Kardashians, Mary Jo Campell, sem komin er á níræðisaldur, og faðir Barkers, Randy Barker.

Að lokinni athöfn keyrðu ný giftu hjónin frá dómsúsinu á svörtum fornbíl með skilti aftan á honum sem á stóð: Ný gift. Brúðkaupið fór því ekki framhjá neinum sem á vegi þeirra varð að því sem fram kemur á vef Daily Mail.

Sögusagnir herma að stór brúðkaupsveisla sé í undirbúningi og er áætlað að hún muni fara fram á Ítalíu á næstu dögum eða vikum.

„Öll smáatriði eru tilbúin og öll fjölskyldan, þar á meðal börnin, eru mjög spennt,“ er haft eftir heimildarmanni fjölskyldunnar.

Ástarsaga hjónanna hófst í byrjun árs 2021 og trúlofuðu þau sig nokkrum mánuðum síðar, eða í október það sama ár.

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt