„Ég vissi að ég þyrfti að fara frá honum“
Setja bókamerki
Leikkonan Amber Heard segir það erfiðasta sem hún hafi gert á ævinni hafi verið að sækja um skilnað og nálgunarbann gegn leikaranum og fyrrverandi eiginmanni sínum Johnny Depp. Hún hafi hins vegar vitað að hún hafi þurft að fara frá honum.
„Ég vissi að ég myndi ekki lifa af ef ég gerði það ekki. Ég var svo hrædd um að þetta myndi enda mjög illa fyrir mig,“ sagði Heard fyrir kviðdómnum í Fairfax í Virginíuríki í Bandaríkjunum í gær.
Depp höfðaði meiðyrðamál gegn Heard vegna greinar sem hún skrifaði árið 2018 í Washington Post, þar sem hún sagðist vera þolandi heimilisofbeldis. Hún nafngreindi Depp ekki en hann fer fram á 50 milljónir bandaríkjadala í skaðabætur.
Óttaðist um öryggi sitt
Heard segist hafa ákveðið að sækja um skilnað eftir tvö stór rifrildi árið 2016. Rifrildin hafi endað með barsmíðum þar sem hún áttaðist um líf sitt.
Heard lýsti hjónabandi þeirra og ofbeldinu í nokkra klukkutíma í gær. Í lok dags kom að því að lögmenn Depp fengju að spyrja hana spurninga. Lögmaðurinn Camille Vasquez sótti hart að henni og reyndi að kasta rýrð á vitnisburð hennar. Þá sýndi Vasquez meðal annars myndir af Heard frá ákveðnum tímabilum sem hún sagði Depp hafa lagt hendur á sig. Á myndunum sáust engir áverkar.
„Þú hefðir átt að sjá hvernig ég leit út undir farðanum,“ sagði Heard um eina mynd af sér. Hún sagðist alltaf hafa falið áverkana með farða og hyljara.
Síðustu mánuðir hjónabandsins þeir verstu
Heard hefur undanfarnar fimm vikur, sem réttarhöldin hafa staðið yfir, lýst því hvernig Depp hafi breyst í skrímsli þegar hann var undir áhrifum áfengis og fíkniefna. Nú lýsti hún því hvernig ástandið hefði versnað á síðustu vikum og mánuðum hjónabandsins.
„Ofbeldið var orðið venja, ekki undantekning,“ sagði Heard.
Tvær vikur eru nú eftir af réttarhöldunum.
„Tíminn er runninn út fyrir Kristján Loftsson“
Segir óábyrgt að skipta út öllu bankaráðinu
Myndskeið: Braut rúðurnar og rölti svo í burtu
Benda á Samgöngustofu sem bendir út í heim
Allar rúður brotnar hjá Fiskikónginum
Niðurstaða MDE kallar á breytingar
Skrítin menning í bankanum