Hinn 19. maí næstkomandi verður haldið Risabingó í Minigarðinum og mun allur ágóði af sölu bingóspjalda renna óskiptur til neyðaraðstoðar Rauða krossins í Úkraínu. 

„Þetta er vissulega bingó og stórir vinningar í boði, en þetta er ekki síst bara skemmtun. Tónlistin og stuðið fær líka sinn tíma á þessu kvöldi. Það voru ansi margir sem komu frá mörgum vinnustöðum síðast og nýttu þetta tækifæri til að gera sér glaðan dag og styðja virkilega verðugt verkefni. Rauði krossinn er að sinna margvíslegum verkefnum í tengslum við stríðið í Úkraínu, bæði hér heima og erlendis. Ágóðinn fer því á góðan stað,“ segir Sigmar Vilhjálmsson, einn eigenda Minigarðsins.

Síðast þegar Minigarðurinn hélt Risabingó rann allur ágóði af sölu bingóspjalda til félagsstarfs SÁÁ. 

Stjórnandi bingósins verður íþróttafréttamaðurinn Gummi Ben og Dj. Gassi heldur uppi stemningunni. Heildarverðmæti vinninga er um 800 þúsund krónur en þar á meðal er 150 þúsund króna gjafabréf í Húsgagnahöllinni.

Hvert bingóspjald kostar 1.750 krónur og hefst bingóið kl. 21:30. Hægt er að kaupa bingóspjald og bóka um leið borð á vef Minigarðsins.

Tengdar fréttir

Úkraína

Selenskí: Hefðum varist árásinni með betra loftvarnarkerfi

• Segja yfir 50 þúsund hermenn fallna
• Þórdís hitti forsætisráðherra Úkraínu í Keflavík
• Úkraína og Lettland gera tvíhliða öryggissamning
• Fjórir látnir eftir flugskeytaárás

» Fleiri tengdar fréttir

• Blogga um frétt