Dorrit Moussaieff fyrrverandi forsetafrú Íslands lét sig ekki vanta þegar nýjasta kvikmynd Tom Cruise, Top Gun: Maverick, var frumsýnd í Lundúnum í gærkvöldi. Auk Cruise og Dorritar mættu Vilhjálmur Bretaprins og eiginkona hans Katrín hertogaynja.
Dorrit birti mynd af sér á rauða dreglinum á Instgram-síðu sinni og greindi frá því hvar hún hefði verið. Með Dorrit var vinkona hennar en athygli vakti að vinkonan var í kjól sem líktist kjól Katrínar hertogaynju. Katrín var í svörtum síðkjól frá Roland Mouret. Skemmtileg tilviljun. Sjálf var Dorrit glæsileg í sumarlegum fötum og kaus að klæðast síðbuxum.
Eins og sjá má á myndum sem teknar voru á frumsýningunni var mikið stuð og stórstjörnur hvar sem líta mátti.