Clea úr The Home Edit hefur lyfjameðferð

Þáttastjórnandinn Clea Shearer er byrjuð í lyfjameðferð gegn brjóstakrabbameini. Clea er þekkt fyrir störf sín sem skipuleggjandi fyrir fræga fólkið. Í vinsælu Netflix-þáttunum The Home Edit fara hún og Joanna Teplin heim til fólks og endurskipuleggja heimili þess.

Clea greindist með krabbamein í apríl og hefur talað opinskátt um það. Hún fór í tvöfalt brjóstnám fyrir sex vikum og hefur í kjölfarið hafið lyfjameðferð. Hún hefur rakað af sér hárið í undirbúningi fyrir þau áhrif sem meðferðin mun hafa á hana. 

„Í dag er upphaf lyfjameðferðarinnar. Ég upplifði svefnleysi og áhyggjur þegar dagurinn nálgaðist. Ég fékk brjálæðiskast í gær, sem lýsti sér eins og ég væri barn fast í rússíbana sem ég vildi ekki vera í, en ég komst ekki neitt. Ég jafnaði mig og fór í göngutúr með börnunum mínum og hló að dóttur minni. Það er ekki til betra meðal en að fara út ganga og hlátur,“ segir Clea á Instagram. 

• Blogga um frétt