Tók Britney fram yfir forsetann

Hótelerfinginn og tískumógúlinn, Paris Hilton, valdi að fara í brúðkaup hjá Britney Spears frekar en að spila fyrir forseta Bandaríkjanna. Hilton hefur starfað sem plötusnúður samhliða öðrum störfum sem hún hefur sinnt í gegnum tíðina. Hilton greindi frá þessu í hlaðvarpsþætti sínum This is Paris sem kom út á dögunum.

„Ég var beðin um að spila fyrir forsetann og alla hina forseta heimsins yfir kvöldmatnum á þessum viðburði. Þetta var ekki erfitt val og ég valdi frekar að fara í brúðkaup vinkonu minnar,“ segir Paris Hilton.

Frétt af mbl.is

Britney Spears búin að gifta sig

Þegar Hilton var beðin um að segja frá einhverju sem tengdist brúðkaupi Spears lýsti hún brúðkaupsdegi vinkonu sinnar sem algjöru ævintýri.

„Þetta var prinsessudagur brúðarinnar og það er ekki mitt að segja frá hvað gerðist. Það er hennar,“ sagði Hilton sem sá ekki eftir því að hafa tekið vinkonu sína fram yfir forseta Bandaríkjanna.  

• Blogga um frétt