Hönnuðurinn Vera Wang fagnaði á dögunum afmæli sínu, en hún varð 73 ára hinn 27. júní síðastliðinn. Afmælinu var fagnað með stæl eins og henni einni er lagið, með bleiku karókí partíi í New York, Bandaríkjunum.
Wang var glæsileg í partíinu og klæddist bleikum fatnaði í takt við þemað. Aðdáendur hennar undra sig á hve vel hún eldist og segja hana vera aldurslausa. Við Instagram-færslu Wang skrifaði inn aðdáandinn: „Vá. Hvað er aldurslausa leyndarmálið þitt?.“
Wang stofnaði fatamerki sitt þegar hún var 40 ára gömul og hefur sérhæft sig í hönnun brúðarkjóla. Áður hafði hún starfað hjá tískutímaritinu Vogue í 17 ár og hjá Ralph Lauren í 2 ár.