Leikkonan Claire Foy er sögð hafa verið í talsverðri hættu af völdum eltihrells. Þetta kemur fram í fyrirtöku dómsmáls á hendur eltihrellsins. Verið er að skera úr um andlegt atgervi hans og hvort setja megi algert nálgunarbann á hann.
Í febrúar fékk Foy tímabundið nálgungarbann á hendur eltihrellsins Jason Penrose en hann er 39 ára og býr í augnablikinu á stofnun.
Hann hefur síðan september 2021 setið fyrir leikkonunni. Fyrst sagðist hann vera framleiðandi og vildi fá Foy til þess að leika í kvikmynd sem hann væri að framleiða. Þá hefur hann sent umboðsmanni hennar hátt í þúsund tölvupósta á einum mánuði þar sem hann talaði um nauðganir og sagðist vilja vera kærasti Foy. Þá hefur hann birst heima hjá henni þar sem hann liggur stöðugt dyrabjöllunni.