Netflix-stjarna í 12 ára fangelsi

Jeremiah Harris var í klappstýruliðinu sem heimildarmyndin Cheer á Netflix …
Jeremiah Harris var í klappstýruliðinu sem heimildarmyndin Cheer á Netflix fjallaði um. AFP

Leikarinn Jeremiah Harris, úr heimildaþáttunum Cheer á Netflix, hefur verið dæmdur í 12 ára fangelsi fyrir kynferðisbrot gegn börnum. Játaði hann brot sín í febrúar en hann játaði meðal annars að hafa haft í fórum sínum barnaníðingsefni og að hafa ferðast yfir ríkismörk með það í huga að brjóta kynferðislega á barni. BBC greinir frá. 

Hann var dæmdur til þess að sitja inni í fangelsi í átta ár og svo í fjögurra ára eftirlit eftir það. 

Harris viðurkenndi meðal annars að hafa skipst á kynferðislegum myndum við 10 til 15 börn í þremur ríkjum og viðurkenndi hann að hann vissi vel að þau væru undir 18 ára aldri. 

Þáttaröðin Cheer fjallar um klappstýrulið í Navarro háskóla í Texas og hlaut Emmy-verðlaun. Harris naut mikillar frægðar eftir að serían fór í loftið og fékk hann meðal annars að taka viðtöl á rauða dregli Óskarsverðlaunanna sem gestur Ellen DeGeneres sama ár.

Lögregla hóf að rannsaka Harris eftir að tvíburamóðir í Texas tilkynnti hann og sagði hann hafa misnotað syni hennar. 

Drengirnir, sem eru í dag 16 ára, voru viðstaddir þegar dómur var kveðinn upp í Chicago í gær og báru vitni um hvaða afleiðingar misnotkunin hafði á þá.

mbl.is
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler