Bandaríski leikarinn Will Smith hefur beðið leikarann Chris Rock afsökunar á því að hafa slegið hann á Óskarsverðlaunahátíðinni í lok mars á þessu ári. Smith gaf út myndband á samfélagsmiðlum í dag þar sem hann bað Rock afsökunar.

Hann sagðist einnig hafa reynt að hafa samband beint við leikarann, en fengið þau skilaboð að hann væri ekki tilbúinn til að tala við hann. 

Atvikið vakti mikla ahygli á Óskarsverðlaunahátíðinni fyrr á þessu ári, en í beinni útsendingu stormaði Smith upp á svið og löðrungaði Rock eftir að hann sagði brandara um eiginkonu Smiths, Jödu Pinkett Smith. 

Will Smith. AFP

„Ég vil biðja þig afsökunar, Chris. Hegðun mín var óásættanleg. Ég er tilbúinn til að tala þegar þú ert það,“ sagði Smith í myndbandinu sem hefur aðeins tjáð sig um málið skriflega hingað til. 

Smith bað einnig alla aðra sem voru tilnefndir til Óskarsverðlaunanna afsökunar en Smith vann í flokki leikara í aðalhlutverki fyrir kvikmyndina King Richard. Hann tók á móti verðlaunum ekki svo löngu eftir að hann hafði rekið Rock löðrunginn. 

Í myndbandinu svarar hann spurningum sem aðdáendur hans sendu honum. Fyrsta spurningin vísar til þess af hverju Smith hafi ekki beðið Rock afsökunar þegar hann tók við verðlaununum. Smith sagðist hafa verið búinn að „sóna út“ á þeim tíma og hreinlega ekki getað það.

Seinna tók hann einnig fram að eiginkona hans hafi ekki beðið hann um að verja hana eftir að Rock gerði grín að henni.

Tengdar fréttir

Óskarsverðlaunin 2022

Segir frá ástæðu kjaftshöggsins

• Skírð í höfuðið á bensínstöð
• Tilbúin að ræða löðrunginn á Óskarnum
• Aftur á skjáinn eftir Óskarslöðrunginn
• Will Smith fær tíu ára bann

» Fleiri tengdar fréttir

• Blogga um frétt