„Átta ár af lygum og blekkingum“

Crystal Renay, eiginkona tónlistarmannsins Ne-Yo, hefur bundið enda á átta ára samband þeirra og sakar hann um framhjáhald. Renay birti færslu á Instagram reikningi sínum á dögunum þar sem hún sagði frá framhjáhaldinu. 

„Átta ár. Átta ár af lygum og blekkingum. Í átta ár var ég óafvitandi að deila lífi mínu og eiginmanninum mínum með fjölmörgum konum sem seldu honum líkama sinn,“ skrifaði Renay. Hún segir hann hafa hugarfar sem líkist sjálfhverfri (e. narsissistic) persónuleikaröskun og að henni þyki fráleitt að hann biðji hana að vera áfram með sér. 

Renay og NE-YO gengu í hjónaband árið 2016, en þau eiga saman þrjú börn. Hún segir NE-YO ekki vera áhyggjuefni sitt lengur. 

• Blogga um frétt