Starfsfólk á vegum sjónvarpsstöðvarinnar HBO er komið til Íslands til þess að hefja undirbúning fyrir tökur á fjórðu þáttaröð True Detective. Mikil vinna er fyrir höndum en áður en tökur hefjast þarf að finna réttu tökustaðina. 

Staðfest var í maí á þessu ári að fjórða sería True Detective yrði gerð, en fyrri þáttaraðir hafa notið mikilla vinsælda um allan heim.

Greint var frá því á mbl.is í júní að þáttaröðin yrði tekin upp á Íslandi.

Frétt af mbl.is

Ný þáttaröð True Detective tekin upp á Íslandi

Tökur hefjast í október og standa yfir fram í mars á næsta ári, en ráðgert er að þáttaröðin fari í loftið síðar sama ár.

Í fjórðu þáttaröðinni, sem ber undirtitilinn Night Country, verður tveimur kvenkyns rannsóknarlögreglumönnum fylgt eftir og munu þær Jodie Foster og Kali Reis fara með aðalhlutverkin, að því er fram kemur í umfjöllun Variety. Eiga þættirnir að gerast í Ennis í Alaska í Bandaríkjunum þar sem sex manneskjur hverfa af rannsóknarskipi.

Tengdar fréttir

True Detective á Íslandi

True Detective slær áhorfsmet

• Leikarar True Detective elskuðu dvöl sína á Íslandi
• Komin með nóg af kulda eftir Ísland
• Nýjasta stikla True Detective vekur mikla athygli
• Drungaleg stikla birt úr True Detective

» Fleiri tengdar fréttir

• Blogga um frétt