Meghan hefur gefið til kynna að hún hélt dagbók á meðan hún var starfandi meðlimur bresku konungsfjölskyldunnar. Þær fréttir hafa valdið ákveðnum titringi innan hallarinnar. 

Sérfræðingur í konungsfjölskyldunni, Margaret Holder, segir rík ástæða sé til þess að hafa áhyggjur. „Hún hefur haft nægan tíma innan fjölskyldunnar til þess að komast að ákveðnum leyndarmálum sem gætu valdið hneykslan eða særindi fyrir drottninguna og aðra meðlimi,“ segir Holder.

„Það að Meghan er nú að rifja upp allt það sem hún skrifaði í dagbókina á þessum árum hlýtur að hringja ákveðnum viðvörunarbjöllum hjá konungsfjölskyldunni,“ segir Holder sem telur þetta vera hennar tækifæri til þess að nafngreina fólk sem móðgaði hana og hefna sín á rótgrónu kerfi sem hún skildi ekki og vildi ekki læra á.

Í viðtali Meghan við tímaritið The Cut segist hún ekki bundin neinni þagnarskyldu.

„Þetta er áhugavert. Ég hef aldrei þurft að skrifa undir neitt sem aftrar mér í að segja frá minni upplifun.“ Blaðamaður spyr hana afhverju hún geri það ekki og þá kveðst Meghan enn vera að jafna sig.

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt