Fjöllistamaðurinn Kanye West skrifaði fjölmargar færslur á Instagram-reikningi sínum í gær, fimmtudag, en þeim hefur nú verið eytt. Í færslunum fjallaði hann meðal annars um fyrrverandi tengdamóður sína, Kris Jenner, ásamt Hillary Clinton, Mark Zuckerberg og Charlamagne tha God. Allt er þetta fólk sem West hefur átt í deilum við áður.

Í einni færslunni ávarpaði West fyrrverandi aðstoðarmann Kylie Jenner, Victoria Villarroel. „Ekki láta Kris plata þig í að sitja fyrir hjá Playboy eins og hún lét Kylie og Kim gera,“ skrifaði West. 

„Hollywood er risastórt vændishús. Klám eyðilagði fjölskylduna mína, ég glími við klámfíkn, Instagram ýtir undir hana. Ég ætla ekki að láta það koma fyrir Northy og Chicago,“ bætti hann við, en North og Chicago eru dætur Wests og Kim Kardashian.

West hefur gagnrýnt Kardashian-Jenner fjölskylduna óspart í gegnum árin, en hann hefur gagnrýnt Kris opinberlega síðan árið 2019 fyrir að hafa reynt að „læsa hann inni.“ 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

Kanye West

Kennir eiginkonunni um ófrjósemina

• Myndir af eiginkonunni vekja óhug
• Biðst afsökunar á ummælum sínum um Kanye
• Klæðaburður eiginkonu Kanye lögreglumál á Ítalíu
• Bauð fram sushi á nöktum konum í afmælisveislunni

» Fleiri tengdar fréttir

• Blogga um frétt