41 sinni var hún höggvin

Melanie Lynskey og Jessica Biel í hlutverkum Bettyjar og Candyjar.
Melanie Lynskey og Jessica Biel í hlutverkum Bettyjar og Candyjar. Hulu

Það var ekki byssa sem varð Betty Gore að aldurtila, heldur öxi sem notuð var til að höggva eldivið. 41 sinni var hún höggvin og aðkoman eftir því. Þvílík heift, þvílíkur kraftur! Hlédræg kona sem enginn vissi til að ætti óvini. Hvað er hér eiginlega á seyði?

Fljótlega beinist grunur að vinkonu Gore-hjónanna, Candy Montgomery, en hún var síðust til að sjá Betty á lífi. Getur hún, vinsæl, vinnusöm og ljúf á manninn, hafa framið slíkan verknað? Og hvers vegna þá í ósköpunum? Dóttir Gore-hjónanna gisti meira að segja hjá Candy nóttina eftir þessi ósköp. Er nema von að menn eigi vont með að fá þetta allt til að ganga upp.

Örlögin fleirum hugleikin

Við erum að tala um sanna sögu, þetta gerðist í raun og sann í Wylie, Texas, sumarið 1980. Hún hefur nú ratað á skjáinn í fimm þátta myndaflokki, Candy, á efnisveitunni Hulu sem er hluti af Disney-samsteypunni. Fyrir þá sem hafa aðgang að þeirri dýrð. Með helstu hlutverk fara Jessica Biel og Melanie Lynskey. 

Örlög Bettyjar eru fleirum hugleikin en önnur sjónvarpssería um málið, Love and Death, verður sýnd á HBO Max í mars á næsta ári. Elizabeth Olsen mun þar leika Candy og Lily Rabe Betty. 

Nánar er fjallað um andlát Bettyjar Gore og seríurnar tvær í Sunnudagsblaði Morgunblaðsins.

Þessi grein birtist
í Morgunblaðinu
Áskrifendur:
Þessi grein birtist
í Morgunblaðinu
Áskrifendur:
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler