Dorrit vill Karl sem forsætisráðherra
Setja bókamerki
Dorrit Moussaieff, fyrrverandi forsetafrú Íslands, vildi óska þess að Karl III. Bretakonungur gæti sest í stól forsætisráðherra Bretlands. Karl tók nýverið við sem konungur Bretlands eftir að móðir hans, Elísabet II. Bretadrottning, féll frá.
Dorrit birti mynd af sér og Karli á Instagram í dag. Við myndina skrifaði hún: „Ef hans hátign Karl III. Bretakonungur gæti bara verið forsætisráðherra. Hann hefur alltaf barist fyrir málefnum þegna sinna, sama hvert almenningsálitið er, engin þörf á að vinna kosningar,“ skrifaði Dorrit.
Forsætisráðherra Bretlands um þessar mundir er Liz Truss, en hún tók við af Boris Johnson, sem lét af störfum fyrr í september.
Af myndunum að dæma hitti Dorrit Karl í gleðskap fyrir nokkrum árum síðan, en Dorrit hefur verið breskur ríkisborgari meirihluta ævi sinnar.
Almannavarnir auka viðbúnað
Hæstiréttur staðfestir vanhæfi alls Landsréttar
Hafa „ágætis tíma“ til úrbóta
Bjarkey stendur við skammarbréf Svandísar
Hyggjast leyfa fólki að skoða gosið
Mikilvægt að vera á tánum
Segjast ekki vera á kaldri slóð
29 nautgripir fundust dauðir