Búið er að tilkynna að ævisaga Harry prins komi út 10. janúar á næsta ári. Til stóð að gefa bókina út í haust en ákveðið var að fresta útgáfu hennar vegna andláts drottningar.

Ævisagan ber titilinn Spare eða „Varaskeifan“ en verið er að vísa til breska orðatiltækisins „heir and spare“ sem hefur oft verið notað um bræðurna Vilhjálm og Harry í gegnum árin.

Breskir fjölmiðlar hafa bent á að tónn bókarinnar hafi breyst frá því að fyrst var sagt frá henni í júlí 2021. Þá átti hún að vera upplífgandi og hvetjandi ævisaga. Nú er henni hins vegar lýst sem persónulegu ferðalagi frá áföllum til heilunar.

Konunglegir álitsgjafar hafa bent á að titillinn sé sérstaklega stuðandi fyrir konungsfjölskylduna.

„Titillinn bendir til þess að honum hafi fundist hann ekki hafa verið metinn að verðleikum. Það verða eflaust fjölmörg viðtöl og endalaust fjallað um þessa bók. Ég tel að hann hefði átt að bíða í fleiri ár með bók sem þessa. Afleiðingarnar gætu verið miklar. Jafnvel Játvarður VIII beið til 1951 með sína sögu en hann afsalaði sér krúnunni 1936,“ segir Richard Fitzwilliams. 

Forsíða bókar Harry er dramatísk og verður áhugavert að sjá hvernig henni verður tekið. Skjáskot/Instagram

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt