Skilja eftir 13 ára hjónaband
Setja bókamerki
Fyrirsætan Gisele Bündchen og ruðningskappinn Tom Brady eru skilin. Hjónin hafa verið gift í 13 ár en sögusagnir hafa verið á kreiki um yfirvofandi skilnað þeirra.
TMZ greindi fyrst frá og segir Bündchen hafa sótt um skilnað í Flórída nú í morgun. Brady staðfesti fréttirnar í tilkynningu á Instagram.
„Við eiginkona mín höfum gengið frá skilnaði okkar undanfarna daga eftir 13 ára hjónaband. Við komumst að þessari niðurstöðu saman og hugsum með þakklæti um þann tíma sem við eyddum saman,“ skrifaði Brady.
Hann sagði að það væri erfitt að ákveða að skilja en að þetta væri það rétta í stöðunni og best fyrir alla.
Fyrr hefur verið greint frá því að bæði væru þau búin að ráða sér skilnaðarlögfræðinga. Brady og Bündchen hafa ekki sést saman opinberlega í nokkurn tíma.
/frimg/1/4/47/1044778.jpg)
Þá hefur verið fjallað um að þau byggju hvort í sínu lagi eftir að Brady ákvað að hætta við að leggja skónna á hilluna og sneri aftur í NFL-deildina.
„Umsátursástand“
Banna mengandi búnað sem leyfður er á Íslandi
„Það þarf að vinna mikinn fjölda upp“
Krefjast stöðvunar framkvæmda
Skar höfuðleðrið af íslenskri konu
Telur forsendur fyrir vaxtalækkun
Tveir í bílnum sem lenti utan vegar