Aðalkvennabósinn með fyrirsætu í takinu
Setja bókamerki
Fyrirsætan Emily Ratajkowski og grínistinn Pete Davidson eru sögð vera að stinga saman nefjum.
Síðustu mánuði hefur Ratajkowski verið að feta sín fyrstu skref í ástalífinu eftir ljótan skilnað við Sebastian Bear-McClard, en í september var hún sögð eyða miklum tíma með leikaranum Brad Pitt. Stuttu síðar sást hún með myndarlegum huldumanni í New York.
Á stefnumóti í Brooklyn í New York
Nú virðist fyrirsætan vera með augastað á nýjum manni, en Ratajkowski og Davidson sáust ganga hönd í hönd í Brooklyn síðastliðið laugardagskvöld.
„Pete og Emily hafa verið að tala saman í nokkra mánuði núna,“ sagði heimildarmaður Us Weekly fyrr í vikunni. Hann segir samband þeirra þó „á byrjunarstigi“ en þeim líki mjög vel hvoru við annað.
„Pete lætur Emily hlæja og hann elskar hversu gáfuð hún er,“ bætti heimildarmaðurinn við, en þau eru sögð hafa kynnst í gegnum sameiginlega vini.
Konurnar hrifnar af grínistanum
Það leynir sér ekki að Davidson er vinsæll meðal kvenpeningsins, en nú síðast var hann í sambandi með raunveruleikastjörnunni Kim Kardashian. Þar á undan var hann með tónlistarkonunni Ariönu Grande, fyrirsætunni Kaiu Gerber og leikkonunum Margaret Qualley og Kate Beckinsale.
Vona að Orkustofnun veiti ekki virkjunarleyfi
Banna mengandi búnað sem leyfður er á Íslandi
„Hvílir mikil leynd yfir þessu öllu“
Eyjafjarðarbraut lokað vegna alvarlegs umferðarslyss
Æskuvinur Íslendings myrtur í Noregi
Kostnaður meiri en milljón á fermetra
Vélsleðaslys: Þyrlan kölluð út á mesta forgangi