Leikarinn Jason David Frank er látinn 49 ára að aldri. Frank var þekktastur fyrir að fara með hlutverk Tommy Oliver í Mighty Morphin Power Rangers og í fleiri Power Rangers-þáttum.
Frank naut mikillar hylli í Power Ranger-þáttunum, en frægðar stjarna hans tók að rísa snemma á tíunda áratug síðustu aldar.
Dánarorsök hans hefur ekki verið gefin út en heimildir Guardian gefa til kynna að hann hafi tekið sitt eigið líf. Frank kvæntist tvisvar, fyrst Shöwnu Frank, og átti með henni þrjú börn. Síðar Tammie Frank, og eignaðist með henni eitt barn. Hún sótti um skilnað við hann í ágúst á þessu ári.
Ef þú telur þig vera í sjálfsvígshættu er hjálparsími Rauða krossins, 1717, opinn allan sólarhringinn. Einnig er netspjall Rauða krossins, 1717.is, opið allan sólarhringinn. Píeta-samtökin veita ókeypis ráðgjöf í síma 552-2218. Á netspjalli á Heilsuvera.is er einnig hægt að ráðfæra sig við hjúkrunarfræðing um næstu skref. Ef þú ert í bráðri hættu hringdu í 112.
Fyrir þau sem misst hafa ástvin bendir landlæknisembættið á stuðning í sorg hjá Sorgarmiðstöðinni í síma 551-4141.