Bandaríski grínistinn Jay Leno hefur verið útskrifaður af sjúkrahúsi eftir að hafa hlotið brunasár í eldsvoða í bílskúr sínum í Kaliforníu.
Leno, sem er 72 ára og fyrrverandi þáttastjórnandi Tonight Show, lá á sjúkrahúsinu í tíu daga vegna brunasára á andliti, brjóstkassa og höndum, að því er BBC greinir frá.
Jay Leno says goodbye to staff at the Grossman Burn Center after wrapping up a 10-day stay treating his injuries from a car fire earlier this month.
— NBC News (@NBCNews) November 21, 2022
📷 Grossman Burn Centerhttps://t.co/x7y2VZKglR pic.twitter.com/bT6mRDczmt
Hann mun fara í eftirmeðferð og „er mjög þakklátur fyrir allar góðu kveðjurnar“ sem hann hefur fengið, sagði í tilkynningu frá sjúkrahúsinu Grossman Burn Center í Los Angeles.
Læknir Leno kveðst ánægður með framfarir hans í meðferðinni.
Dr. Peter Grossman skurðlæknir segist vera bjartsýnn á að Leno nái fullum bata.
Sjúkrahúsið birti mynd af Leno brosandi með starfsliði þar sem sést í brunasárin.