Grínistinn Jay Leno hefur staðfest að hann muni sannarlega halda sig við sýningu sína sem auglýst hefur verið í Hermosa Beach í Kaliforníu um helgina. Leno hlaut alvarleg brunasár í eldsvoða sem varð í bílskúr hans um liðna helgi.
Grínistinn var lagður inn á spítala en hann hlaut þriðja stigs bruna á höndum og andliti. Hann útskrifaðist af sjúkrahúsi á mánudag og sagði fréttamönnum hið ytra að hann stefndi á að koma fram.
„Ég mótast áfram í þessu. Það er allt í lagi með mig,“ sagði Leno, undir stýri á bíl sínum, þegar fréttaljósmyndarar náðu af honum tali. Brunasár Leno voru greinileg á myndunum.