Sambandsslitin hafi reynst henni erfið
Setja bókamerki
Tengdar fréttir
Ást
Það kom mörgum á óvart þegar fregnir bárust af því nýverið að leikstjórinn Olivia Wilde og tónlistarmaðurinn Harry Styles væru hætt saman eftir rúmlega tveggja ára samband. Svo virðist sem sambandsslitin hafi þó komið Wilde mest á óvart, en hún er sögð hafa haldið í vonina um að þau gætu unnið sig út úr vandanum.
Samband þeirra hefur verið áberandi í fjölmiðlum frá fyrsta degi, enda þjakað dramatík. Fyrrverandi parið kynntist við upptökur á kvikmyndinni Don't Worry Darling þar sem deilur á bak við tjöldin þóttu meira grípandi en söguþráður kvikmyndarinnar.
„Hún er vonsvikin“
Í byrjun vikunnar sagði heimildamaður People sambandsslitin vera tilkomin vegna mismunandi forgangsröðunar þeirra, en Styles er á leið í tónleikaferðalag á meðan Wilde einbeitir sér að börnum sínum og starfi í Los Angeles.
Heimildarmaður People hefur nú sagt frá því hve erfið sambandsslitin hafi verið fyrir Oliviu. Hann segir nokkur vandamál hafa komið upp hjá parinu, en að Olivia hafi haldið að þau myndi ná að vinna sig út úr þeim.
„Hún er vonsvikin. Þetta er bara erfið staða. Þrýstingurinn frá almenningi hefur reynst þeim erfiður. Þau hafa upplifað hæðir og lægðir í gegnum sambandið,“ bætti hann við.
Tengdar fréttir
Ást
Kvikan virðist nú skiptast til helminga
Mikil skjálftavirkni á landinu áhyggjuefni
Hafa samþykkt kaup fyrir um 9,2 milljarða
Innviðir þandir og álagið „gríðarlegt“
„Menn eru bara búnir að forgangsraða“
Markaðurinn hitnar og leiguverð hækkar hratt
Stóraukið fé til samgöngusáttmála