Nýverið hlaut fyrirsætan Kendall Jenner mikla gagnrýni þegar hún klæddist umdeildum Toy Story-búningi á hrekkjavökunni, en hún klæddi sig upp sem kúrekastelpan Jessie úr teiknimyndunum vinsælu. Nú hefur Kendall þó útskýrt áform sín, en hún segist vera orðin raunveruleg kúrekastelpa og stefnir á að kaupa hestabúgarð og flytja út í sveit. 

Í lokaþætti The Kardashians sagðist Kendall vera í leit að nýju húsi sem væri nógu stórt fyrir hana og hestana hennar. 

„Ég er raunveruleg kúrekastelpa,“ sagði fyrirsætan, en hún virðist hafa kunnað afar vel við sig í kúrekabúninginum sem mörgum þótti heldur kynþokkafullur. 

Frétt af mbl.is

„Takk fyrir að eyðileggja Toy Story“

Ólympíufari varð fyrir valinu

Kendall hefur talað um ást sína á hestum og reiðmennsku í fjölmörgum viðtölum í gegnum árin, en nú virðist hún ætla að láta kúrekadrauma sína rætast. „Ég er með fullt af hugmyndum og margt sem ég myndi elska að gera í lífinu, svo ég er spennt að halda áfram að kanna alla þessa hluti. En ég er að flytja á búgarð,“ sagði hún. 

Nýverið greindi Kendall frá því að fjölskylda hennar væri að stækka, en hún á þegar tvo hesta og á annar þeirra von á folaldi með aðstoð staðgöngumeri undan miklum gæðingi. 

„Guð minn góður, ég er að eignast barn,“ öskraði fyrirsætan í nýlegum þætti The Kardashians, en hún var yfir sig ánægð þegar hún útskýrði að meri hennar ætti von á folaldi. Hún segist hafa vandað valið þegar kom að sæðisgjafa, en fyrir valinu varð glæsilegur ólympíufari. 

Kendall hefur ekki farið leynt með ást sína á hestum og reiðmennsku. Skjáskot/Instagram

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt