Fyrirsætan Emily Ratajkowski og grínistinn Pete Davidson sáust saman á leik New York Knicks gegn Memphis Grizzlies um helgina á Medison Square Garden í New York. Parið er það umtalaðasta í Hollywood í dag, en bæði eru þau nýkomin úr öðrum samböndum.
Parið virtist skemmta sér vel á leiknum, en þau voru sessunautar leikarans Bens Stiller og leik-og söngkonunnar Jordin Sparks.
Ratajkowski og Davidson hafa ekki gefið neitt opinberlega út um það hvort þau eigi í ástarsambandi, en hafa þó sést á stöku stefnumóti hér og þar.