5 milljónir horft á íslenska jólamartröð á TikTok

Myndband af dóttur athafnakonunnar Tobbu Marinós og Baggalútsins Karls Sigurðssonar hefur sannarlega slegið í gegn á TikTok síðustu daga. Tiktok-ið setti systir Tobbu, Rebekka Rut Marinósdóttir, inn í tilefni af jólunum og til þess að minna fólk á að vanda valið á jólagjöfum til barna. 

„Þegar ég eyðilagði jólin,“ skrifar Rebekka við myndbandið en hún gaf systurdóttur sinni míkrófón í jólagjöf. Sú stutta nýtti hvert tækifæri til að syngja hátt og snjallt eins og hún á kyn til. Það virtust þó ekki allir í fjölskyldunni vera jafn ánægðir með söngtakta hennar eins og sjá má í myndbandinu.

4,9 milljónir hafa horft á myndbandið á TikTok og hrannast inn athugasemdir og hafa margir veitt því athygli að hún syngur meðal annars orðin Don Corleone. 

• Blogga um frétt