Meghan tárast í nýrri stiklu
Setja bókamerki
Stikla úr heimildarmynd Netflix um Harry og Meghan hefur vakið mikla athygli fjölmiðla og almennings. Þar má sjá margar áður óséðar myndir af þeim hjónum og er markmiðið að gefa fólki hugmynd um hvað gerist á bak við luktar dyr.
Vonast er til að heimildarmyndin veiti innsýn í líf Harrys og Meghan og þær áskoranir sem þau hafa þurft að yfirstíga saman og urðu til þess að þau þurftu að segja skilið við konungsfjölskylduna. Harry segir í myndinni að hann hafi þurft að gera allt sem hann gat til þess að vernda fjölskyldu sína.
Heimildarmyndin er í sex þáttum og talið er líklegt að hún lendi á efnisveitu Netflix þann 8. desember. Biðin hefur verið löng og eftirvæntingin mikil en á tímabili var orðrómur um að Harry og Meghan vildu fresta sýningu hennar til ársins 2023. Talið er að þau hafi fengið um 88 milljónir breskra punda fyrir heimildarmyndina og því er talið að líklegt að hún verði ansi krassandi.
Mörgum finnst hins vegar tímasetningin óheppileg. Stutt er liðið frá andláti drottningar auk þess sem Vilhjálmur prins og Katrín prinsessa eru nú í opinberri heimsókn í Bandaríkjunum. Eflaust kemur fjölmiðlafár í kringum heimildamyndina til með að skyggja á þá ferð.
Skar höfuðleðrið af íslenskri konu
„Okkur miðar í rétta átt“
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss
„Á réttri leið en nokkuð í land ennþá“
Kostnaður meiri en milljón á fermetra
Árshátíð ríkislögreglustjóra haldin í Tékklandi