Netflix-þættirnir Miðvikudagur, eða Wednesday, hafa slegið ný áhorfsmet hjá streymisveitunni. Á fyrstu viku þáttanna var þáttaröðinni streymt í 341,23 milljónir klukkustunda.
Sló þáttaröðin öll met þáttaraða á ensku sem streymisveitan hefur sent frá sér. Fjórða þáttaröð Stranger Things sló metið síðast en þá var þáttaröðinni streymt í 335 milljónir klukkustunda á fyrstu vikunni.
Squid Game á þó enn metið en þeirri þáttaröð var streymt í 571,8 milljónir klukkustunda á fyrstu vikunni.
Miðvikudagur er á vinsældarlistum í öllum þeim 93 ríkjum sem Netflix er aðgengilegt í og í fyrsta sæti í 83 af þeim ríkjum.
Jenna Ortega fer með aðalhlutverkið í þáttunum og leikur titilpersónu þáttanna, Wednesday Addams. Þættirnir eru byggðir á þáttunum um Addams-fjölskylduna.