Matur | mbl | 5.12.2022 | 22:00 | Uppfært 12.12.2022 10:23

Bregðast við óvæntu útspili Domino's

Útspil Domino's hefur vakið ýmiss konar viðbrögð.

Flatbökurisinn Domino's varpaði í dag þeirri tilkynningu til notenda Domino's-appsins á Íslandi að árið þeirra í pitsum hefði verið tekið saman.

Smella mátti á tilkynninguna til að sjá samantekt á pöntunum ársins, smekk sinn borinn saman við annarra og ýmislegt annað.

Íslendingar hafa brugðist við þessu útspili í dag og meðal annars deilt með hver öðrum skjáskotum úr samantektinni.

Björn Þorfinnsson, ritstjóri DV, reið á vaðið á Twitter og virtist hreint ekki sáttur.

Eeeee....mig langar bara ekkert í þessar upplýsingar. Stundirnar mínar með Dominos voru mínir lægstu punktar á árinu og ég vil gjarnan halda þessu sambandi leynilegu... pic.twitter.com/CZuLyQbAKl
— Bjorn Thorfinnsson (@BThorfinnsson) December 5, 2022

Hann lét þó til leiðast að opinbera sambandið.

Greinilegt að ekkert klýfur þjóðina eins og ananas á pizzur
— Björn Friðgeir Björnsson (@bjornfr) December 5, 2022

eg að kynnast nyrri manneskju: eg er svona spicy týpa, hika ekki við að taka bragð-miklar ákvarðanir og vil hafa krydd í tilverunni, aðeins 9,1% þjóðarinnar eru spicy eins og eg. en nog um mig, hvað með þig? attu systkini? pic.twitter.com/JSYaRTEBWs
— slemmi (@selmalaraa) December 5, 2022

Dominos að henda í markaðssetningarsjálfsmark með að knýja allan notendahópinn sinn í alvarlega sjálfsskoðun rétt fyrir áramót
— Jónas Már (@JTorfason) December 5, 2022

Domino's árið mitt var hár blóðþrýstingur, aukakíló og niðurgangur.
— Stefán Máni (@Stefan_Mani_) December 5, 2022

Börnin panta pizzurnar

Aðrir bentu á líkindi með ársyfirliti Spotify, þar sem barnalög hafa tröllriðið mörgum topplistum fólks, því til nokkurs ama.

Get heldur ekki póstað Domnios Wrapped listanum mínum því hann er bara fullur af einhverjum pepperoni pizzum sem börnin voru að panta.
— Hrafn Jónsson (parody) (@hrafnjonsson) December 5, 2022

Er ekki einu sinni að grínast. pic.twitter.com/qUxnoYirMa
— Hrafn Jónsson (parody) (@hrafnjonsson) December 5, 2022

Já, af því að Íslendingar eru almennt ekki að burðast með næga skömm og vanlíðan. Best að rifja upp allar þrota- og þynnkumáltíðir ársins. Vilja það allir. 😅 pic.twitter.com/3F314Auxst
— S. Mikael Jónsson (@S_Mikael_J) December 5, 2022

Svona year in review dæmi eru bara alltaf öpp að reyna að vera næs með að kalla mig basic pic.twitter.com/6nZUKth4LO
— Bríet (@refastelpa) December 5, 2022