Hildur gæti skráð sig í sögubækurnar

Hildur Guðnadóttir gæti brotið blað í sögu Óskarsverðlaunanna.
Hildur Guðnadóttir gæti brotið blað í sögu Óskarsverðlaunanna. AFP

Kvikmyndatónskáldið Hildur Guðnadóttir gæti brotið blað í sögu Óskarsverðlaunanna á næsta ári ef hún verður tilnefnd fyrir tónlistina í tveimur kvikmyndum, Tár og Women Talking. Hildur samdi tónlistina í kvikmyndunum sem þykja líklegar til þess að hljóta tilnefningu til verðlaunanna á næsta ári. 

Tár fjallar um tónskáldið og tónlistarstjórann Lydiu Tár. Klassísk tónlist er rauði þráðurinn í myndinni en til þess að geta hlotið tilnefningu í flokki upprunalegrar tónlistar þarf að minnsta kosti 60% af henni að vera samin fyrir myndina. Bandaríski miðilinn Variety hefur eftir Focus Features að Hildur hafi samið yfir 60% en það er þó í höndum akademíunnar að ákveða hvort Hildur verði tilnefnd. 

Verði Hildur tilnefnd fyrir bæði Tár og Women Talking verður hún fyrsta konan til að vera tilnefnd fyrir tvær kvikmyndir í sama flokknum. Þó Hildur verði aðeins tilnefnd fyrir aðra myndina verður hún aðeins þriðja konan til að hljóta fleiri en eina tilnefningu fyrir kvikmyndatónlist. 

Hildur vann Óskarsverðlaun fyrir tónlist sína í kvikmyndinni Joker árið 2020. 

mbl.is

Stjörnuspá »

Hrútur

Sign icon Þú sýnir veröldinni þínar bestu hliðar núna. Ein ástæða þess að þú vinnur svo vel með öðrum er að þú tjáir þig hreinskilningslega.
síðasta vika Vinsælustu hljóðbækurnar
1
Skúli Sigurðsson
2
Steindór Ívarsson
3
Stefan Mani
4
Patricia Gibney

Stjörnuspá »

Hrútur

Sign icon Þú sýnir veröldinni þínar bestu hliðar núna. Ein ástæða þess að þú vinnur svo vel með öðrum er að þú tjáir þig hreinskilningslega.
síðasta vika Vinsælustu hljóðbækurnar
1
Skúli Sigurðsson
2
Steindór Ívarsson
3
Stefan Mani
4
Patricia Gibney