Konungsfjölskyldan svarar Harry og Meghan
Setja bókamerki
Talsmenn Buckinghamhallar og Kensingtonhallar segja að konungsfjölskyldunni hafi ekki verið boðið að vera með í ráðum við gerð heimildaþátta Harry Bretaprins og Meghan hertogaynju af Sussex. Fyrrihluti heimildaþáttaraðar Sussex-hjónanna kom út á Netflix í dag og hefur valdið fjaðrafoki.
BBC greinir frá þessu og segir að höllin ætli ekki að tjá sig um þættina að öðru leyti í bili. Rætt var við talsmanninn þegar aðeins um fjórar klukkustundir voru liðnar frá frumsýningu þáttanna.
Fram kemur í fyrsta þætti heimildaþáttanna að Buckinghamhöll hafi ekki viljað tjá sig um efni þáttanna.
Í heimildarþáttunum Harry & Meghan segja hjónin frá því hvernig síðustu ár hafi verið fyrir þau. Allt frá því fyrir fyrsta stefnumót þeirra fram til dagsins í dag. Harry og Meghan sögðu sig frá konunglegum skyldum í upphafi árs 2020, rúmlega einu og hálfu ári eftir að þau gengu í hjónaband. Í kjölfarið fluttu þau til Bandaríkjanna þar sem þau eru búsett nú.
Handteknir eftir myndatöku í Vesturbæjarlaug
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“
Skar höfuðleðrið af íslenskri konu
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“