Þáttastjórnandinn Jeremy Clarkson hefur beðist afsökunar á að valda svo miklum sárindum með pistli sínum um Meghan, hertogaynju af Sussex, sem birtist í dagblaðinu Sun á föstudag. Segist hann ætla að vanda sig betur í framtíðinni.

Fjölmiðlanefnd í Bretlandi hafa borist yfir 6 þúsund kvartanir vegna pistilsins þar sem Clarkson sagðist meðal annars að hver fruma í líkama hans hefði andstyggð á Meghan. 

Clarkson sagðist hafa vísað í Game of Thrones í pistlinum en að það hafi komið mjög klaufalega út. „Mig hryllir við því hversu miklum sárindum ég hef valdið og ætla að vera varkárari í framtíðinni,“ skrifaði Clarkson á Twitter. 

Dóttirin ósammála

Pistlill Clarkson var harðlega gagnrýndur um helgina á samfélagsmiðlum. Meira að segja dóttir hans, Emily Clarkson, sagðist vera algjörlega ósammála öllum skoðunum föður síns á Meghan. 

Kveikjan að pistli Clarksons eru þættir Harrys Bretaprins og Meghan um líf sitt. Seinni þrír þættirnir í þáttaröðinni komu út á fimmtudag á Netflix og hafa valdið miklum usla. 

„Ég get ekki sofið á nóttunni, ég ligg og gnísti tönnum og læt mig dreyma um daginn sem hún [Meghan] verður látin ganga nakin um götur allra bæja í Bretlandi á meðan mannfjöldinn kallar „skammastu þín“ og hendir saur í hana,“ skrifaði Clarkson meðal annars. 

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt