Too Hot To Handle-stjarnan Harry Jowsey hefur notið mikilli vinsælda á samfélagsmiðlum eftir þáttöku sína í raunveruleikaþáttunum Too Hot To Handle sem sýndir eru á streymisveitunni Netflix. Jowsey er með yfir 4,2 milljónir fylgjenda á Instagram, en hann sagði nýverið frá viðveru sinni á miðlinum OnlyFans þar sem hann segist einnig vera með dyggan aðdáendahóp. 

Fram kemur á vef Daily Mail að Jowsey hafi nýlega sagt frá tekjum sínum á OnlyFans, en þar sagðist hann þéna „nokkur hundruð þúsund bandaríkjadali“ á mánuði. „Ég veit að ég var tekjuhæsti karlmaðurinn þarna um tíma,“ útskýrði hann í viðtalinu. 

Rolex-úr fyrir 28 milljónir

Jowsey segist hafa náð að fjárfesta í þó nokkrum Rolex-úrum fyrir laun sín á OnlyFans, en nú eigi hann 28 milljóna króna safn af úrunum. Þá hafi dýrasta úrið hans kostað 60 þúsund bandaríkjadali, sem eru rúmlega 8,6 milljónir króna á gengi dagsins í dag. 

Í síðasta mánuði sagðist Jowsey hafa þénað þrjár milljónir bandaríkjadala, rúmlega 431 milljón króna, frá því hann skráði sig á miðilinn. Þá sagði hann frá því að nýverið hefði hann þénað 100 þúsund bandaríkjadali eða um 14 milljónir króna á einum sólarhring eftir að hann hlóð upp djörfu myndskeiði á OnlyFans-reikning sinn. 

Jowsey segir markmið sitt vera að byggja upp traustan aðdáendahóp á miðlinum, en hann tekur starf sitt alvarlega og hefur meðal annars sótt leiklistarnámskeið. 

Tengdar fréttir

Onlyfans

Amanda Bynes mætt á OnlyFans

• Harry Potter-leikkona mætt á OnlyFans
• Dóttir Charlie Sheen græðir á tá og fingri á OnlyFans
• Klámstjörnur sagðar hafa logið um óléttur
• Hvað er eiginlega að karlmönnum?

» Fleiri tengdar fréttir

• Blogga um frétt