Úti að borða með 25 árum yngri konu

Bandaríski leikarinn Leonardo DiCaprio virðist vera kominn með augastað á nýrri ungri konu. Fór leikarinn út að borða með hinni 23 ára gömlu fyrirsætu, Victoria Lamas, á þriðjudagskvöld í Los Angeles.

Fjölmiðlar vestanhafs greina þó frá því að DiCaprio og Lamas séu ekki komin í samband, en myndir náðust af þeim á veitingastaðnum The Bird Streets Club. 

Aldarfjórðungur skilur DiCaprio og Lamas að, en hann er 48 ára og varð einhleypur á árinu þegar hann og Camilla Morrone hættu saman, mánuði eftir að hún varð 25 ára.

Undanfarið hafa sögusagnir verið á kreiki að DiCaprio hafi verið að hitta fyrirsætuna Gigi Hadid. Voru þau til dæmis á sama hóteli í París í Frakklandi þegar tískuvikan fór fram þar í borg. 

• Blogga um frétt