Katrín og Ragnar söluhæst árið 2022

Reykjavík, glæpasaga Ragnars Jónassonar og Katrínar Jakobsdóttur forsætisráðherra, var mest selda bókin í verslunum Pennans-Eymundssonar árið 2022. Játning Ólafs Jóhanns Ólafssonar var næst þar á eftir. 

Athygli vekur að Sjálfstætt fólk eftir Halldór Laxness í enskri þýðingu var þriðja mest selda bókin í verslunum Pennans á síðasta ári og seldist hún því meira en bók glæpasagnakóngsins Arnalds Indriðasonar, Kyrrþey. 

Bóksölulisti Pennans Eymundssonar ber þess merki að erlendir ferðamenn tóku aftur að streyma til landsins eftir heimsfaraldur því fimmta mest selda bókin er Sagas of The Icelanders.

Metsölulisti Eymundsson 2022

1. Reykjavík glæpasaga – Ragnar Jónasson/Katrín Jakobsdóttir
2. Játning – Ólafur Jóhann Ólafsson
3. Independent People – Halldór Laxness
4. Kyrrþey – Arnaldur Indriðason
5. Sagas of the Icelanders – Ýmsir höfundar
6. Eden – Auður Ava Ólafsdóttir
7. Iceland in a Bag – Ýmsir höfundar
8. Hamingja þessa heims – Sigríður Hagalín Björnsdóttir
9. Gættu þinna handa – Yrsa Sigurðardóttir
10. Keltar – Þorvaldur Friðriksson

• Blogga um frétt