Spjallþáttastjórnandinn Robin Roberts tilkynnti í spjallþættinum Good Morning America að hún og kærasta hennar til 18 ára, Amber Laign, ætluðu loksins að ganga í hjónaband á nýju ári.
„Ég sagði já við hjónabandi. Við ætlum að gifta okkur á þessu ári,“ sagði Roberts og viðurkenndi að hún hefði verið hikandi við að deila fregnunum þar sem hún hefði ekki enn sagt þær upphátt.
Roberts sagði þær Laign hafa talað um hjónaband áður, en þær hafi þó þurft að fresta því þegar Laign greindist með brjóstakrabbamein síðla árs 2021. Hún lauk geislameðferð í júlí 2022.
Roberts og Laign byrjuðu saman í júlí 2005, en Roberts kom þó ekki opinberlega út úr skápnum fyrr en í desember 2013. Hún segist spennt fyrir komandi tímum með Laign.