Fyrirsætan Emily Ratajkowski hætti með grínistanum Pete Davidson rétt fyrir áramót. Hún var ekki lengi ein en hún sást sleikja sárin með öðrum skemmtikrafti um helgina grínistanum Eric André.
Ratajkowski og André sáust saman úti að borða á hinum vinsæla japanska veitingastað Sakagura í New York að því fram kemur á vef Page Six. Parið var ekki að fela sig en grínistinn bókaði borðið undir sínu nafni. Þau virtust hafa skemmt sér vel og brostu út í annað þegar þau yfirgáfu staðinn. Þau sáust meðal annars halda utan um hvort annað þegar þau gengu um Manhattan.
Emily Ratajkowski og grínistinn Pete Davidson byrjuðu saman í nóvember eftir að hafa bæði gengið í gegnum sambandsslit sem voru áberandi í fjölmiðlum. Tveimur vikum eftir að fréttist að alvara væri komin í spilin voru þau hætt saman.