Tognaði í lendingu eftir spíkatstökk

Það geta ekki allir verið David Lee Roth, ekkert frekar en Andrei ­Arshavin. Justin Hawkins, söngvari breska rokkbandsins The Darkness, komst áþreifanlega að því á dögunum þegar hann reyndi að leika hið víðfræga spíkatstökk kappans eftir á tónleikum.

Stökkið sem slíkt heppnaðist svo sem vel og báðir fætur flugu vel yfir höfuðið en lendingin misheppnaðist með þeim afleiðingum að Hawkins tognaði á hnésbótarsin, að því er hann upplýsir í tímaritinu Classic Rock. „Ú, ó,“ mun honum þá hafa orðið að orði. 

• Blogga um frétt