Minningarathöfn um Lisu Marie Presley mun fara fram í Graceland, fyrrverandi heimili föður hennar Elvisar Presley. Lisa Marie lést fimmtudaginn síðasta, 54 ára gömul, og verður hún lögð til sinnar hinstu hvílu við hlið sonar síns, Benjamin Keough, í Graceland.
Opinbera minningarathöfnin fer fram á sunnudag, 22. janúar, klukkan níu að staðartíma. Talsmaður dóttur hennar, Riley Keough, greindi frá þessu í gær.
„Riley, Harper, Finley og Pricilla þakka fyrir stuðning og hlýhug undanfarna daga eftir andlát Lisu Marie,“ segir í tilkynningunni.
Lisa Marie mun hvíla í hugleiðslugarðinum, þar sem faðir hennar Elvis Presley hvílir einnig, og föðuramma hennar og afi, sem og langamma hennar.