Veröld/Fólk | mbl | 25.1.2023 | 6:42

Sambandsslitin erfiðasti tíminn í lífinu

Aaron Rodgers og Shailene Woodley hættu saman í fyrra. Samsett mynd

Leikkonan Shailene Woodley og NFL-stjarnan Aaron Rodgers slitu trúlofun sinni í byrjun árs í fyrra. Hollywood-stjarnan lýsir tímabilinu í kjölfarið sem einu því erfiðasta í sínu lífi en á þessum tíma var hún einnig í tökum á þáttunum Three Sisters.

„Það var erfitt að vera í tökum af því ég var að ganga í gegnum dimmasta, erfiðasta tíma lífs míns. Það var vetur í New York og einkalíf mitt var glatað svo þetta var eins og að vera í sársaukakúlu í átta mánuði,“ segir Woodley í viðtali við Net-a-Porter um þættina og vísar í sambandsslitin við Rodgers. „Ég var þakklát fyrir að ég fékk að minnsta kosti að fara í vinnuna og gráta og vinna mig í gegnum tilfinningarnar í gegnum hlutverkið mitt.“

Þáttaröðin Three Women var tekin upp frá október 2021 fram í maí 2022. Í febrúar í fyrra var greint frá því að stjörnurnar tvær hefðu slitið sambandi sínu rúmlega ári eftir að þau opinberuðu það. Þau byrjuðu aftur saman stuttu seinna en hættu saman á ný í apríl.

Frétt af mbl.is

Hætt saman í allra síðasta skipti

Woodley fannst erfitt að vera í sambandi sem milljónir manna fylgdust með. „Ég vil halda einkalífinu fyrir mig. Þegar ég birti eitthvað þá fannst mér eins og ég væri að deila of miklu með fólki sem ég treysti ekki endilega,“ segir leikkonan sem er núna búin að eyða smáforritinu Instagram úr símanum.