Ætlar að vera einhleyp það sem eftir er
/frimg/1/25/37/1253733.jpg)
Fyrirsætan Amber Rose ber karlmönnum ekki góða söguna og segist ætla vera ein það sem eftir er. Henni er sama þó hún deili ekki rúmi með annarri manneskju og er ekki spennt fyrir kynlífi.
„Ég vil ekki deila húsi eða lífi með neinum. Ég vil ekki neinn í kringum börnin mín. Mig langar ekki að stunda kynlíf, það er ógeðslegt. Ég vil það ekki,“ sagði Rose í nýjum hlaðvarpsþætti að því fram kemur á vef People.
Rose sem á tvö börn á skrautlega sögu að baki. Hún átti í tveggja ára sambandi við tónlistarmanninn Kanye West og var gift tónlistarmanninum Wiz Khalifa í stuttan tíma. Sakaði hún fyrrverandi eiginmann sinn um að halda fram hjá sér.
Rose var í sambandi við tónlistarframleiðandann Alexander „AE“ Edwards í þrjú ár en sambandinu lauk fyrir einu og hálfu ári. Rose sakaði Edwards um að halda framhjá með að minnsta kosti 12 manns. Nú er Edwards í sambandi við tónlistarkonuna Cher en hún er 40 árum eldri en hann.
