Heimsfrægi breski sjónhverfingamaðurinn Derren Brown réði sér vart fyrir kæti þegar píanóleikarinn Víkingur Ólafsson varð á vegi hans um helgina.
Greindi Brown frá þessu á Twitter og deildi um leið mynd af fundi þeirra beggja, en Víkingur var gestur á sýningunni Showman sem Brown heldur úti á West End í Lundúnum. Helstu gagnrýnendur hafa lofað sýninguna, sem frumsýnd var í desember.
Ljóst er að Brown heldur mikið upp á íslenska tónlistarmanninn.
„Ég reyni að hitta ekki hetjur af þessu kalíberi,“ skrifar skemmtikrafturinn og bætir við að hann hafi átt erfitt með sig á því augnabliki þegar smellt var af.
A proud moment for your correspondent… pictured here with Vikingur Ólafsson, a musical hero who came to see Showman. I try not to meet heroes of this calibre am barely holding it together. pic.twitter.com/TyDaH4StDg
— Derren Brown (@DerrenBrown) January 28, 2023