Framlag Íslands til Söngvakeppni evrópskra sjónvarpsstöðva verður flutt síðara undanúrslitakvöldið, fimmtudaginn 11. maí, í Liverpool á Englandi. Dregið hefur verið um hvaða þjóðir stíga á sviðið hvort kvöldið, þriðjudag 9. maí og fimmtudag 11. áður en kemur að úrslitakvöldinu laugardaginn 13. maí.
Hefur útdrátturinn nú verið kynntur á Instagram-svæði söngvakeppninnar og taka eftirtaldar þjóðir þátt fyrra undankvöldið:
Serbía, Lettland, Írland, Noregur, Portúgal, Króatía, Malta, Svíþjóð, Moldóva, Sviss, Ísrael, Holland, Finnland, Aserbaídsjan og Tékkland.
Þessar þjóðir stíga svo á stokk á fimmtudagskvöldinu:
Armenía, Kýpur, Rúmenía, Danmörk, Belgía, Ísland, Grikkland, Eistland, Albanía, Ástralía, Austurríki, Litáen, San Marínó, Slóvenía, Georgía og Pólland.