Formleg ákæra gefin út

Formleg ákæra hefur verið gefin út á hendur Alec Baldwins …
Formleg ákæra hefur verið gefin út á hendur Alec Baldwins vegna dauða Halynu Hutchins. AFP/Skrifstofa lögreglunnar í Santa Fe

Leikarinn Alec Baldwin var í gær formlega ákærður fyrir manndráp af gáleysi. Er hann ákærður fyrir að hafa orðið valdur að dauða tökumannsins Halynu Hutchins sem lést við tökur á kvikmyndinni Rust.

Ákæran var gefin út í New Mexíkó-ríki í gær en áður hafði komið fram í fréttum að saksóknari í umdæminu hyggðist leggja fram ákæruna gegn leikaranum vegna manndráps af gáleysi.

„Í dag stigum við enn eitt mikilvægt skref í átt að réttæti fyrir Halynu Hutchins,“ sagði Mary Carmack-Altwies, saksóknari í New Mexíkó þegar ákæran var gefin út.

Upptekinn í símanum

Fram kemur að Baldwin hafi verið annars hugar þegar hann átti að vera að læra um öryggisatriði er tengdust skotvopnum sem notuð voru við tökurnar. Hafi hann verið í símanum að tala við fjölskyldu sína.

Hann hafi aðeins eytt um hálfri klukkustund á námskeiðinu sem stóð yfir í klukkustund. Hanna Gutierrez-Reed var ábyrgðarmaður skotvopna á tökustað. Hún var líka ákærð fyrir manndráp af gáleysi á sama tíma og Baldwin.

Ef þau verða sakfelld eiga þau yfir höfði sér allt að 18 mánaða fangelsisdóm og 5 þúsund bandaríkjadala sekt. Vegna þess að skotvopn koma við sögu í málinu gætu þau fengið allt upp í fimm ára fangelsisdóm.

Baldwin hefur ítrekað í fjölmiðlum og vitnisburði sínum að honum hafi verið sagt að byssan væri ekki hlaðin og að hann hafi ekki tekið í gikkinn.

mbl.is

Stjörnuspá »

Hrútur

Sign icon Það er eitthvert mál, sem veldur þér þungum áhyggjum. Reyndu að beina athyglinni að björtu hliðum lífsins og mundu að fæst orð bera minnsta ábyrgð.
síðasta vika Vinsælustu hljóðbækurnar
2
Laila Brenden
3
Liza Marklund
4
Lilja Sigurðardóttir
5
Ragnheiður Gestsdóttir

Stjörnuspá »

Hrútur

Sign icon Það er eitthvert mál, sem veldur þér þungum áhyggjum. Reyndu að beina athyglinni að björtu hliðum lífsins og mundu að fæst orð bera minnsta ábyrgð.
síðasta vika Vinsælustu hljóðbækurnar
2
Laila Brenden
3
Liza Marklund
4
Lilja Sigurðardóttir
5
Ragnheiður Gestsdóttir