Hönnuðurinn Paco Rabanne látinn

Spænski tískuhönnuðurinn Paco Rabanne er látinn 88 ára að aldri. Rabanne er þekktur fyrir að hafa hannað þekktustu ilmvatnslínur í heimi. 

Rabanne lést á heimili sínu í Frakklandi en fyrirtækið Puig, sem á öll helstu tískuvörumerki Rabanne, greindi frá andláti hans í dag. 

Rabanne öðlaðist heimsfrægð, ekki bara fyrir einstök ilmvötn sín, heldur líka einstaka tískuhönnun sína. „Hver annar gat fengið konur Parísar til þess að klæðast plasti og járni?“ sagði José Manuel Albesa, forstjóri Puig í andlátstilkynningunni.

Einn þekktasti ilmur hans er 1 Million rakspírinn. 

Rabanne hefur unnið með tískurisum á borð við Balenciaga, Givenchy og Dior en á sjöunda áratugnum stofnaði hann sitt eigið merki. 

Paco Rabanne árið 1977. AFP

• Blogga um frétt