Björk býður til veislu í Laugardalshöll

Björk býður gestum í mikilfenglega tónlistarupplifun í heimaborg sinni, Reykjavík, þann 7., 10. og 13. júní.

Sýningin er tvær klukkustundir á hefðbundnu sviði, flutt verður tónlist bæði af Útópíu og Fossora, og er þetta stærsta sýning sem Björk hefur gert og hefur einn mesta fjölda talrænna leiktjalda sem hafa verið á einu sviði.

Kallar hún þetta talrænt leikhús (e. digital theatre) „lanterna magica“ þar sem áheyrendur eru umkringdir tugum talrænna skjáa sem innihalda hljóðfæraleikara, kór, flautur, klarínett, slagverk og ótal mörg sérsmíðuðuð hljóðfæri.

Laugardalshöll verður gjörbreytt og mun bjóða gestum í stórfenglegt landslag sem samanstendur af gróskumiklum litum, framtíðarkenndum sýndarveruleika og draumakenndri áferð náttúrunnar.

Tónleikagestum gefst tækifæri til að sökkva sér í stórkostlega tónlistarupplifun þar sem náttúran og tæknin sameinast á töfrandi hátt.

Sýningin er framleidd af verðlaunuðum hóp listamanna og tæknimanna, þar sem stafræni heimurinn sameinast leikhúsheiminum, undir stjórn Bjarkar.

• Blogga um frétt