Leikkonan Pamela Anderson segist enn passa í rauða sundbolinn sem hún klæddist í hinum geysivinsælu þáttum Baywatch á tíunda áratugnum. Í dag noti hún hann þó aðallega sem „partítrix.“
Baywatch þættirnir komu fyrst út árið 1989 og nutu mikilla vinsælda, en alls komu út 11 þáttaraðir á þeim 13 árum sem þættirnir voru teknir upp. Anderson fór með hlutverk Casey Jean Parker í þáttunum.
„Ég átti nokkur eintök hér áður fyrr. Nú á ég bara einn og hann passar,“ sagði Anderson í samtali við Entertainment Tonight. „Ég máta hann öðru hvoru. Hann passar enn,“ bætti hún við.
Sundbolurinn liggur því ekki aftast í fataskáp leikkonunnar og safnar ryki, en í viðtalinu viðurkenndi Anderson að hún noti sundbolinn sem „partítrix“ í dag. Þá sagði hún frá eftirminnilegu partíi þar sem sundbolurinn sló rækilega í gegn.
„Ég man að vinir mínir spurði hvar Pamela væri. Ég stökk í sturtuna og kom rennandi blaut út í sundbolnum og byrjaði að gefa öllum munn við munn,“ útskýrði leikkonan.