Óskarshafar heimtuðu að gera íslenskt myndband
Setja bókamerki
Liðsmenn hljómsveitarinnar FM Belfast greina frá því á Facebook-síðu sinni að 19. október 2009 hafi þeim borist tölvupóstur frá manni sem haft hafi áhuga á að gera fyrir sveitina tónlistarmyndband ásamt félaga sínum. Kváðust þeir Belfast-menn þess albúnir, hins vegar væri þeim fjár vant.
Um það hafi þeir myndbandsgerðarmenn kært sig kollótta, hefðu þeir sagst framleiða myndbandið að kostnaðarlausu, það yrði þeirra fyrsta verkefni eftir útskrift þeirra úr kvikmyndaskóla. Hafi þeir gengið stíft eftir myndbandsgerðinni og sveitin að lokum fallist á.
„Í gærkvöldi unnu þessir tveir sjö Óskarsverðlaun fyrir kvikmyndina Everything Everywhere All at Once,“ segir svo í Facebook-færslu FM Belfast sem þar með ljóstrar því upp að fyrsta verkefni Óskarverðlaunahafanna nýbökuðu, Daniel Scheinert og Daniel Kwan, hafi verið tónlistarmyndband fyrir íslenska hljómsveit.
Áköf mótmæli í bandarískum háskólum
Myndskeið: „Fólk var komið ískyggilega nálægt“
Búið að bólusetja börn alla helgina
Átta morðmál á aðeins tólf mánuðum
Fara ekki lengur fram á einangrun yfir Davíð
„Mér finnst Halla Hrund svona Vigdísarleg“
Biðst afsökunar með heilsíðuauglýsingu
Baldur: „Ég ætla að svara þessu kalli“