Fagnar degi heilags Patreks sem heiðursofursti

Það gustaði af Katrínu prinsessu af Wales þegar hún mætti til þess að fagna degi heilags Patreks með írskra varðliðinu í London. Dagurinn markaði líka tímamót í ferli hennar en þetta er í fyrsta sinn sem hún fagnar deginum sem heiðursofursti írska varðliðsins.

Katrín hélt ræðu fyrir hermennina og sagðist vera þeim til halds og trausts. 

„Ég gæti ekki verið stoltari af því að standa hér frammi fyrir ykkur í dag. Það er sannkallaður heiður að vera ykkar ofursti. Ég er hér til þess að hlusta á ykkur, styðja ykkur og hvetja ykkur áfram. Þetta er ábyrgð sem ég tek ekki af léttúð,“ sagði Katrín en hún tók við stöðu heiðursofursta af Vilhjálmi prins þegar hann varð heiðursofursti velsku herdeildarinnar.

Hjónin, Vilhjálmur og Katrín, slógu á létta strengi og smökkuðu Guinness bjór í tilefni dagsins. 

Katrín var í túrkisgrænni kápu frá merkinu Catherine Walker en hefð er fyrir því að hún mæti alltaf í grænu á þessum degi eins og tíðkast á Írlandi. Margir vilja meina að þetta sé hennar besta klæðaval til þessa á degi heilags Patreks.